Shillong, Risaw 14 : Ka kynhun ki thei ialehkai phutbol ka Pay For Right Football Academy bad ka Mawlum Tyrsad SC, ki la lah ban bteng ha kaban khur ia la ki nam jop ki jong ki haka lympung ialehkai Meghalaya State Women’s League 2025, ka Meghalaya Football Association.
Na ka liang ka Pay For Right ka la lah ba kan pynliem da 1-0 ia ka Attacker, ha ka jingiakhun kaba dei jong ka Group A kaba la long ha nongbah Shillong hynnin ka sngi, katba ka resol na ka jingiakhun ka Gr-B pat ka long ba ka Mawlum Tyrsad ka la lah ba kan pynliem ia ka Young SSCC da 2-0, katba ka Jakren SC ka la pynliem da 3-0 ia Bright Future SSCC, ha ki jingiakhun ba la long ha madan Mawlum Tyrsad.
Lada yn ia phai sha ka jingiakhun Gr-A, shipor I kumba kan poi sha kaba iakhaid tad hadien ba ka Nisilia Majaw ka la ioh ia ka kabu ksiar ba kan pynkhih ia ka jar kab ala biang pura ia ka PFR ba kan khur ia ka lai point kaba pura, kaba la pynlong artad ia ka ba kan khur mynta 9 point bad ban bat ha ka kyrdan kaba halor duh na kane ka group.
Ki resol na ki jingiakhun mynta ka sngi, ka kynhun ialehkai ka Jakrem ka la pynliem ia ka Bright Furture da 3-0 ha kaba ka Sunalinda Iawren (12′, 56′) ka la lam khmat ia ka kynhun ban thep ar kol bad sa shi kol la thep ia ka da ka Iaphisha Marbaniang (75′).
