Guwahati, Risaw 9: Ka Directorate of Enforcement (ED), Imphal Sub-Zonal Office, kala kurup ia ki lai tylli ki nongkynti kiba shongdor kumba ₹71 lak hapoh jong ka Prevention of Money Laundering Act (PMLA), 2002, halor ka case bamsap hapoh ka skul bah Manipur University.
Katkum ka ED, kine ki jingdon jingem ki kynthup ia kawei ka jaka sah kaba la kot haduh ₹23.95 lak ia kaba la long trai da ka Konsam (O) Sheityabati Devi, ka lok jong u K. Jiban Kumar Singh, uba dei u Finance Officer (in-charge) barim jong ka Manipur University, bad ia ar tylli ki jaka rep kiba shongdor ₹48 lakh kiba la bat da u Lourembam Rameshwar Meitei, uba dei kontraktor bad u trai jong ka M/s Lourembam Enterprises, baroh ar tylli kine ki jaka rep ki don ha Imphal.
Ka jingtohkit ka dei hadien ba la sdang da kaba pynshong nongrim katkum ka ejahar ba la ujor da ka CBI’s Anti-Corruption Branch (ACB), ha Imphal, pyrshah ïa ki katto katne ngut ki heh jong ka skulbah — kynthup ïa u K. Basanta Singh, K. Jiban Kumar, N. Tejendro Singh, bad u HNK Sarma u (Vice Chancellor) barim— bad u contractor u Lourembam Rameshwar Meitei.La kynnoh ba kine ki briew ba shah kynnoh ki donkti ha ka buit thok ban thok ia ka Manipur University da kaba ai ia ka tender ban pynbiang ia ki tiar ki tar na ka bynta ka International Guest House da kaba shu thok.
Ka jingtohkit jong ka ED ka la pynpaw ba ki heh ophisar ki la ai tender sha ka M/s Lourembam Enterprises khlem da bud ïa ki kyndon ba la buh, da kaba pynkheiñ ïa ki kyndon aiñ General Financial Rules (GFR) 148. Wat lada kim shym lah satia ban supply ia ki tiar furniture kiba shong dor haduh ₹64 lakh, hynrei u contractor u la kam ba u la ioh pdiang lut baroh ia ka jingsiew, ba kynthup ruh ia ka inflated installation charge kaba kot ₹9.65 lakh.
Ki ophisar ki la pyrshang ban buhrieh ïa ka jingleh thok da kaba kynnoh lamler ba ki tiar ki tar ki la shah pynjot ha ka ding, kaba la wanrah ïa ka “jingduh kaba khraw” ne ka “huge wrongful loss” ïa ka jaka pule bad “ka jingmyntoi kaba bakla” ne ka “wrongful gain ïa u nongshah kynnoh, ong ka ED.
Ka pisa baroh kaba long ₹ 74,01,978 — kaba la kynnoh ba la pyndonkam bakla da u kontraktor ha ka jingiatreilang bad ki heh ophisar jong ka skulbah Manipur — la khein ba ka dei ka “jingmih na ka kam runar” katkum ki kyndon jong ka PMLA.
Ka ED ka la pynthikna ba ka jingtohkit kaba bniah ka dang iaid shakhmat halor kane.
, Imphal Sub-Zonal Office, kala kurup ia ki lai tylli ki nongkynti kiba shongdor kumba ₹71 lak hapoh jong ka Prevention of Money Laundering Act (PMLA), 2002, halor ka case bamsap hapoh ka skul bah Manipur University.){kind=link}