Shillong, Risaw 08: Ka Meghalaya Bharatiya Janata Party (BJP) ka ai khublei iaka Sorkar Jylla kaba la pynduh noh ia ka Interview na ka bynta ka jingthungkam haki kam Grade IV.
U Nongaiktien ka Meghalaya BJP Bah Mariahom Kharkrang ula ong ba kane ka dei ka sienjam ban wanrah ia ka jingthungkam kaba shai ha ka rukom thungkam thungjam hapoh ka Jylla.
Haba kren sha ki lad pathai khubor u Bah Mariahom Kharkhrang u ai ka jingiaroh ia kane ka sienjam jong ka Sorkar, da kaba pynpaw ba ka dei ka sienjam kaba bha ban pynthikna ia ka jinglong khuid bad jinglong hok ha ka rukom jied ia ki kyrtong haka thungkam thungjam.
“Ngi kyrmen ba kane ka rai kan treikam ha baroh ki tnat bad kan ym don shuh ka Interview na ka bynta ki kam Grade IV” ong u Bah Mariahom.
Lah ban kdew ba ka Sorkar ka la pynmih ia ka jingpynbna (Notification) ha kaba iadei bad kane bad u Nongaiktien ka Meghalaya BJP u khmih lynti ba baroh ki tnat kin bud ryntih ia kane ka polisi thymmai jong ka Sorkar Jylla.
 ka ai khublei iaka Sorkar Jylla kaba la pynduh noh ia ka Interview na ka bynta ka jingthungkam haki kam Grade IV.U Nongaiktien ka Meghalaya BJP Bah Mariahom Kharkrang ula ong ba kane ka dei ka sienjam ban wanrah ia ka jingthungkam kaba shai ha ka rukom thungkam thungjam hapoh ka Jylla.){kind=link}