Nongpoh, Risaw 07: Ki Pulit ka Ri-Bhoi District, kila nang pynjur ia ka jingtalasi kali ha kylleng ki jaka jong ka National Highway-6 ban tehlakam tyngeh ia ka jingianiah kali khlem ain, kaba lam sha ka jingjia aksiden kaba la jia khah khah hapoh ka District.
Ia kane ka jingtalasi kali la pynlong ha kylleng ki thanad Pulit ha Ri-Bhoi kynthup ha Nongpoh, Umsning bad ha Umiam.
Ka jingthmu jong kane ka sienjam ka long ban bat bad pynsajia ia ki nongniah kali kiba niah hapdeng ka jingshoh khaw iang, ka jingniah pynher sted, ka jingbym bud ia ki kyndon ka Motor Vehicle Act bad kiwei kiwei.
Ia kane ka jingtalasi kali la khmih hi da u Superintendent of Police ka District u VS Rathore, uba la hiar hi dalade sha surok ha Nongpoh ha ryngkat bad u Addl SP Bah O Massar uba khmih ia ka Tnad Traffic, u Incharge ka Nongpoh Branch Rubul Ali lem bad kiwei kiwei.
Lah ban kdew, tang ha kane ka shitaiew tam, bun tylli ki jingjia aksiden kali kila jia ha surok NH-6 ha Ri-Bhoi, kaba la shim ruh ia bun tylli ki mynsiem briew.
Ha kane ka janmiet ki Pulit ka Ribhoi ki la bat naduh ki Kali kiba pyndait iaki light beain, Ki kali Kiba la shna pyndait iaki silencer ba sawa, ki nongniah kali ba buaid kyaid. Ki Pulit kila dain kuna nalor ka jingmaham ia ki nongniah kali kiba la bat ha kane ka miet.
