Shillong, Risaw 07: Kila don 212 tylli ki case ne mukotduma kiba la phah da ki iingkashari bapher bapher ha ka jingpynlong ia ka Mediation Drive ne ka jingpyrshang ban pynbeit noh ia ki mukotduma, ha kaba 21 tylli kidei kiba la lah ban pynbeit noh.
Kitei ki mukotduma kiba la dep ban iapynbeit noh ki kynthup ia ki iakajia na ka kam shongkha, ki kam thombor hapoh iing, ka jingai da ka cheque ka bym treikam, ki mat kiba iadei bad ki kam shakri bad kiwei kiwei ki jingjia.
Ia kane ka Mediation Drive la pynlong da ka Meghalaya State Legal Services Authority ryngkat ka jingiatreilang bad ka High Court Legal Services Committee bad ka District Legal Services Authorities kum shi bynta jong ka ‘Mediation for the Nation’ kaba la sdang hapoh ka ri baroh kawei da ka National Legal Services Authority (NALSA), ha ryngkat ka jingiatreilang bad ka Association jongka Mediation and Conciliation Project Committee (MCPC), Supreme Court of India.
Ia kane ka Mediation Drive yn pynlong na ka bynta 90 sngi lynter da ka jingthmu ban pynbeit ia ki mukotduma kiba dang sahteng ha baroh ki Sub-Divisional Courts, District Courts bad ka High Court kynthup ia ki District Council Courts ha Meghalaya lyngba ka jingiapynbeit noh lyngba ka jingbtin lynti jong u Justice HS Thangkhiew, Chief Justice (Acting) High Court of Meghalaya bad u Executive Chairman, MSLSA bad Chairman, HCMC Justice W. Diengdah, Judge, High Court of Meghalaya bad Chairman, HCLSC.
