Shilllong, Nailur 15 : Ka Hid Foundation Shillong, ka pynpaw ia ka jingsngewsih kaba jur halor ka jingkhlad noh u Myntri Rangbah barim ka Jylla Dr.D.D Lapang.
U Maheh Dr D.D Lapang u dei u nongialam ba shisha jong ki paidbah, uba la aiti ialade ban shakri ia ki paidbah da ki phew phew snem.
U Maheh ula bat kum u Myntri Rangbah haduh san sien, arsien kum u Symbud Myntri Rangbah, shiphew sien kum u Myntri Sorkar bad ar sien kum u Nongialam ka Liang Pyrshah hapoh ka Iingdorbar Thaw Ain ka Jylla nalor kiwei kiwei ki kam bala bynshet ha u hapoh ka Sorkar Jylla.
Ula aiti iala ka jingim na ka bynta ka bha ka miat bad ka jingkiew shaphrang jong ka Meghalaya naduh ba u long u nong ialam ki samla pule, ka jingiadon bynta ha ka jingiakhih Hill State ha ryngkat ki nongialam ka ri-lum Khasi, Jaintia bad Garo bad ka synniang kaba khraw jong u ban kyntiew ia ka pule dangle ha ki jaka nongkyndong ka Jylla.
Ka bynta jong u ban pynkha ia ka Ri-Bhoi District ha u snem 1992 ka dei ka bym lah shuh ban klet bad ki paidbah da ka jing sngew sarong kila khot ia u kum u Kpa ka Ri-bhoi.
Ka Hid Foundation kala pynpaw ba u Dr Lapang uju long barabor u nongaibuit ai mynsiem bad iarap ban btin lynti ha ka jingiaid lynti jong ka Foundation ha kine ki khatlai snem bala leit noh.
Ka jingkhlad noh jong u, ka dei ka jingduhnong ia ka Foundation bad ia ki paidbah ka Jylla baroh kawei.
Ha kum kane ka por ba sngewsih, ngi iasnohkti lang bad ki paidbah ka Jylla ban phah ia ka jingsngewlem sha ki bahaiing hasem, ki baieid bathoin bad baroh ki nongbud jong u. Ai ba ka mynsiem jong u kan ioh ia ka jingjah thait ka bym ju kut.
