Shillong, Nailur 14 : Iwei I Khynnah kynthei ba dang 4 snem, ba kyrteng I Insaphira L Mawnai, la pyntip ba ila jah rngai na la ka jong ka phyllaw iing hynne ka step sngi U Blei ha Rynjah, Block-B.
Kat kum ka jingiathuh ki bahaiing, ine I Khynnah ila jah na phyllaw ha ka por 8 baje mynstep. Wat hapdeng ka jingiawad ha kylleng ki jaka ba marjan, ym shym la lapdien satia ia ki. Ia kane ka jingjia la pyntip noh sha ki Nongialam Shnong bad hadien la leit ujor ejahar ha Rynjah Police Station.
Haba iakren bad u Superintendent of Police ka East Khasi Hills, ula pynthikna ba ka jingiawad ia ine I khynnah ka dang iaid shakhmat.
“La bthah ia baroh ki Police Station ba kin iawad lem ia ine I khynnah ba jah” ula ong.
