Shillong, Nailar 28 : Ka Sorkar Pdeng kala mang ia ka pisa ba palat T.1200 klur na ka bynta ban shna ia ka surok ba 63 km na Phulbari (Chibinang) sha Tura ha West Garo Hills District.
Ia kane la pyntip da u Vivek Anand Sharma, Executive Engineer (NE) ka DG (RD) & SS, Ministry of Road Transport & Highways ha ka shithi sha u General Secretary ka BJP Amitava Saha ha ka 22 tarik Nailar.
U Saha ha ka 8 tarik Naitung, ula thoh sha ka Sorkar pdeng halor ka jingsniew palat jong ka surok Chibinang sha Tura.
“Halor kane, la pyntip ba ka surok na Phulbari (marjan ka Chibinang) haduh Tura la pynbna kum ka surok NH 127B. Kane ka surok ba jrong 63 km la shim ban pyntrei kum ka surok two lane ha ki ar package lyngba ka song pisa ka JICA” ong u Sharma.
Ha ka kyrwoh, ka BJP kala ong ba kane ka jingmang pisa ba T.1200 klur da ka Sorkar Pdeng ka dei kawei pat ka nuksa ba ka BJP ka ieng halor ki jingkular ban ai kam pynroi ia baroh.
 sha Tura ha West Garo Hills District.){kind=link}