Guwahati, Nailar 21: Ka jingialang jong ka kynhun Myntri Sorkar jong ka jylla Assam kala shim rai ban ym ai Aadhaar card thymmai ia ki samla kiba la palat ia ka 18 snem ka rta ha kane ka jylla.
Kane ka ain ba thymmai kan sdang ban trei kam noh naduh ka taiew ba nyngkong jong u bnai Risaw, hadien ka jingpynbna paidbah ba pura jong ka sorkar.
Haba kren sha ki lad pathai khubor hadien ba la wai ka jingialang u Myntri Rangbah ka jylla u Himanta Biswa Sarma, “Kito ki samla kiba la kynjoh 18 snem shaneng kin ym ioh Aadhaar cards ha Assam. Na ka bynta ki SCs, STs, bad ki tea garden tribes, ia ka Aadhaar cards yn ai tang na ka bynta shi snem.Kito kiba ym shym pat la applai kidei ban leh noh hapoh u bnai Nailur, namar ba ka jingkhang kan plies a tang sshi bnai.Hadien ka jingbuh por yn ai lad tang ia kiba wan lyngba na ka ophis ki Deputy Commissioner, da ka jingmynjur jong ka DC”.
U Myntri Rangbah ka Jylla u la batai ba ïa kane ka rai la shim haba shai ba ka jylla ka la ïoh ïa ka Aadhaar saturation bad kum ka jingïada na ki nongwan rung be-aiñ kiba ïoh ïa ka kot ki sla.
“Ngi la shim ia kane ka rai namar, khamtam ha une u snem ba la dep, ngi dang iai bteng ban kem ia ki nong Bangladesh kiba wan rung shapoh ka ri ha khappud.Tang hynnin ka sngi, ngi la pynphai biang ia ki hynniew ngut na ki”, u la ong. “Hynrei ngim thikna la ngi la lah ne em ban kem ia ki baroh. Kumta ngi kwah ban thaw ia ka jingiada khnang ba yn ym don mano mano ruh kiba lah ban rung be-ain sha Assam, ban ioh ia ka Aadhaar card, bad ban im kum ki nong India. Ngi kwah ban khang syndon ia kata ka jingkhang.”
U Sarma u la kdew shuh shuh, katba ka Assam ka la ïoh ïa ka jingdap Aadhaar kaba 103% ha baroh kawei, ka jingïada ka dang sah ha ka 96% hapdeng ki SC, ST, bad ki jaitbynriew kiba rep sla sha.
