Shillong, August 16, 2025: Ka Shillong Lajong FC kala beh nadien ban ioh rung sha ka Semifinal jong ka 134th Durand Cup da kaba jop da 2-1 ia ka Indian Navy FT ha ka wat kaba nyngkong jong ka Quarterfinal kaba la long ha Jawaharlal Nehru (JLN) Stadium, Shillong hynne ka sngi Saitjain.
Ka Indian Navy FT kala ioh ban thep nyngkong ia ka kol ha ka minit kaba 38 lyngba u Vijay Marandi bad haduh ban da kut ka kylla step ka SLFC kam shym la lah ban thep kol.
Ka Shillong Lajong FC kala ioh ban pynphai kylla ha ka kylla miet ha ka minit kaba 68 ha kaba u Damaitphang Lyngdoh ula ioh ban thep ia kane ka kol. Ka SLFC kala bteng ban ialehkai bha nangne shakhmat bad ha ka minit kaba 80 u Everbright Sana ula ioh thep ia ka kol kaba ula leit shut ia ka penalty kaba la pynlong syndon ia ka SLFC ban khur ia ka jingjop.
Ki nongialehkai ka SLFC kila bteng ban ialehkai bha bad kila nang pynskhem ha kaban iada ba ki nongialehkai jong ka Indian Navy FT kin ym iohlad ban thep kol haduh ban da kut ka jingiakhun kaba la pynlong syndon ia ka SLFC ban khur ia ka jingjop.
Ha kawei pat ka jingiakhun jong ka Durand Cup jong ka wat ka baar jong ka Quarterfinals ha Kokrajhar Assam, ka Bodoland FC kala iakhun pyrshah ia ka NorthEast United FC kaba dang bat ia ka nam lahduh, ha SAI Stadium.
Ka NorthEast United FC ruh kala ioh rung sha ka semi-final da ka jingpynliem haduh 4-0 kol ia ka Bodoland FC .
Ha ka 17 tarik u Nailar, ka Jamshedpur FC kan iakhun pyrshah ia ka Diamond Harbour FC kaban long ha JRD Tata Sports Complex ha Jamshedpur. Katba ha Kolkata, ka Mohun Bagan Super Giant kan iakhun pyrshah ia ka Emami East Bengal ha Vivekananda Yuba Bharati Krirangan (VYBK).
Hashwa ban sdang ka jingiakhun, u Bah Banteidor Lyngdoh, u MLA bad u Nongaibuit jong ka Sorkar Meghalaya, ula pynkupburom ia ki nongialehkai ia kaba la iadonlang u Bah Hamletson Dohling u President jongka Meghalaya Football Association, u D.D. Shira u Director jongka Sports & Youth Affairs bad kiwei kiwei.
Ia ka semifinal yn pynlong ha ka 19 tarik u Nailar ha Jawaharlal Nehru Stadium, Shillong bad ha ka 20 tarik u Nailar yn pynlong ha Kolkata’s VYBK, bad ia ka Final yn pynlong ha ka 23 tarik u Naialr ha VYBK.
Kane ka jingjop jong ka Shillong Lajong FC kala pynlong ia ki ban bteng ban iakhun ia ka semifinal bad ki riewieid football kin ap ban leit peitkai ia kane ka kynhun ba kan mih madan ban iakhun ia ka Semifinal.
 Stadium, Shillong hynne ka sngi Saitjain.){kind=link}