Nongpoh, Nailar 16: Hadien ka jingkynjah jar jar ba da ki phew snem, ka kam ialehkai siatkhnam ryntieh (archery) kala khie im biang ha ha Ri Bhoi District, kaba la khring biang ia ki samla kiba la ioh ia ka rynsan ban pynpaw ialade ha kane ka jingialehkai.
Ha kane ka sngi ki nongialam ka Archery Association of Meghalaya kila hiar sha Ri-bhoi District ban ai jinghikai siat khnam ia ki samla donsap ka Ri Bhoi District kum ka jingpynkhreh ban jied ia ki nongialehkai ki ban mihkhmat sha ka 39 National Games kaban sa long ha ka jylla Meghalaya ha u snem 2027.
Ia ka Archery Association Ri Bhoi District, yn dang khmih da ka Ri Bhoi District Sport Association (RBDSA), ha ka jingialam u Bah P.S Nongrum, Vice President kum u Incharge jong ka Archery Ri Bhoi District tad haduh ban da jied ia ki nongkitkam ba pura jong ka Association, ha ka jingkyrshan ruh da ka Samla Risha Syiemlieh bad ka Kong Streamlet Syiemlieh, ki Nongsiat khnam ba paw jong ka Ri Bhoi District.
La wan ban wad lane Scouting mynta ka sngi da ki coach ba pawnam ka jylla ba kynthup ia u Mim Bahadur Gurung (Head coach cum high Performance Director, u Jag Prasad Thapa (Assistant coach), ha ka jingiadonlang ruh u Bah R.P Ryntathiang General secretary, ka Archery Association of Meghalaya bad u Bah B Niangti Treasurer.
Na ka liang u Bah PS Nongrum u la pynpaw ia ka jingkmen ban ioh ia ka lad ban pynkhie im biang ia ka kam ialehkai siat khnam (Archery) ha Ri Bhoi District ban ai rynsan ruh ia ki samla donsap ha kane ka kam sport ban mih pyrthei ban shimbynta ha ki lympung siat khnam ha ka jylla ne shabar ka jylla khamtam shaduh ka Olympics.
U Bah Nongrum u pynpaw ka jinhkyrmen skhem ruh ba ki samla kiba la shah jied ban mihkhmat sha ka National Games kin lah ban leh bha bad ban khur ia ki takma kum ka burom ia ka Ri Bhoi District bad ia ka jylla Meghalaya hi baroh kawei.
 kala khie im biang ha ha Ri Bhoi District, kaba la khring biang ia ki samla kiba la ioh ia ka rynsan ban pynpaw ialade ha kane ka jingialehkai.){kind=link}