Shillong Nailar 15: Ka Women’s Cell bad Internal Quality Assurance Cell (IQAC) jong ka Shillong Law College bad ka Meghalaya State Commission for Women (MSCW) kila iasoi ia ka Memorandum of Understanding (MoU) ha ka 13 tarik u Nailar, ban pynioh ia ka hok kaba kumjuh ia ki kynthei bad shynrang bad ban pynsngewthuh ha kaba iadei bad ki ain.
Ia kane ka jingsoi ia ka Soskular la pynlong ha ka ophis treikam jong ka Women’s Commission, ha kaba la iadonlang ka Chairperson jongka MSCW, ka Kong Iamonlang M. Syiem, u Principal jongka Shillong Law College u Dr. Sharif Uddin, ka IQAC Co-ordinator ka Dr. Daiahunlin Mawlong, ka Women’s Cell Convener ka Dr. Arpita Singh bad ki dkhot jong ka MSCW.
La pyntip ba ka jingthmu jong kane ka soskular ka long ban don ia ka jingiatreilang hapdeng kine ki ar tylli ki kynhun na ka bynta ban pynsngewthuh ia ki ain ki kanun, ban leh ia ki jingwad bniah, ban pynlong ia ki prokram da kaba phaikhmat sha ka hok jong ki longkmie bad ka jingai ia ka hok kaba mar kumjuh ia ki shynrnag bad kynthei.
La khmih lynti ruh ba lyngba kane ka jingiatreilang yn plie lad ruh ban pynlong ia ki prokram, workshop, legal aid clinic bad ki prokram ban ai ia ki jingpynsngewthuh ia ki khynnah skul, ki paidbah bad ia ki briew jong ka ain.
Kane ka jingiatreilang kadei ruh da ka jingkhmih lynti ba kan long ka jingplie lad ia ki samla pule kiba leh ia ka Internships, Research halor ki mat kiba iadei bad ki longkmie bad ban leh ia ki kam kiba iadonbynta bad ka imlang sahlang.
 jong ka Shillong Law College bad ka Meghalaya State Commission for Women (MSCW) kila iasoi ia ka Memorandum of Understanding (MoU) ha ka 13 tarik u Nailar, ban pynioh ia ka hok kaba kumjuh ia ki kynthei bad shynrang bad ban pynsngewthuh ha kaba iadei bad ki ain.){kind=link}