Shillong, Nailar 13 : Ki bor District ka East Khasi Hills ha ka sngi Ba-ar, kala pynbna ia ka surok na Khyndailad sha Umsohsun kum ka lynti iaid kjat ba pura u paidbah naduh ka por 4 baje janmiet haduh 9 baje mynmiet naduh ka 13 tarik Nailar.
Yn ym shah shuh ia ki kali ba kin iaid hapdeng kane ka por bala buh, ong ka Deputy Commissioner ka District Kong RM Kurbah.
Ia kane ka hukum, kaba la pynmih halor ka jingbthah ka Sorkar, kan treikam naduh ka 13 tarik Nailar, kala ong.
Kane kala mih ruh hadien ba ka Sorkar Jylla ha ka 24 tarik Naitung kala lah ban pynkynrah lut ia baroh ki nongshong dukan madan sha MUDA parking lot ha Khyndailad.
U Myntri ki kam jngohkai bad nongaiktien ka Sorkar Bah Paul Lyngdoh dang shen ula pyntip ia ka jingthmu jong ka Sorkar ban shna pynwandur thymmai ia kane ka surok kynthup ka jingthoh dak ba pdiang sngewbha, ka jingshna bha ia ki tiles bad ka jingpynkup dur thymmai ia ka Khyndailad.
Ia kane ka jaka yn pynlong kum ka jaka pdeng ki kam iaput iatem, ban pynphalang ia ka Shillong kum ka Music Capital ka Ri India.
