Guwahati, Nailar 5: Ki Pulit ka Silchar ha ka janmiet sngi U Blei, kila kem ia uwei u doctor jakoid uba la puid ia palat 50 ngut ki briew bad leh ia ka gynaecological surgeries mynta la kumba katto snem ha ha ki ar tylli ki private hospitals ha Silchar.
Une u doktor jakoid u kyrteng u Pulok Malakar.
Ia u Malakar la rah noh sha iing bishar ha ka sngi Nyngkong ha kaba u la hap ban shong san sngi hapoh ka police custody.
Ia ki kot ki sla la pynshisha ha ka por ba leh eksamin bad la pynpaw ba kidei kiba thok bad la register ia ka case ha Silchar PS Case no. 786/25u/s125/271/318(4)/319(2)/336(4)/340(2)/112(2) BNS bad ka jingtohkit kala sdang.
Ia une u doctor jakoid la ioh ban kem katba u dang puid briew ha kawei ka private hospital ha Silchar.
U Malakar u dei u doctor jakoit ba 50 ba la ioh ban kem hapoh ka jylla hadien ka jingujor u Dr Abhijit Neog, ia uba la tip mynta kum u vigilance officer jong ka anti-quackery cell kaba hap hapoh ka Assam Council of Medical Registration.
“Ngi la ioh jingtip pyrshah ia u bad sdang ia ka nongtohkit bad hadien ba la dep ban pynshisha ia baroh ki kot ki sla, ngi la lap ba baroh ki syrnot kidei kiba shu thok. U dei u doctor ba shu thok bad u la pyniaid ia kane ka kam la bun bun snem,” ong u SSP ka Cachar u Numal Mahatta.
