Shillong, Naitung 15 : Ka Iingkashari Special Judge (POCSO) ka East Khasi Hills Kong MK Lyngdoh, kala hukum ban set along haduh 20 snem ia ki 3ngut ki runar kiba leh beijot ia ka khynnah kat kum ka case bala register hapoh ka Sadar Police Station.
Kine ki lai ngut ki runar ki kyrteng u Ashit Chanda, u Raj Roy bad u Prasenjit Das, kiba la shah pynngat hapoh ka kyndon 5(i)/6/11(v)/12/17 POCSO Act pule lang bad ka kyndon 506 IPC. Ia kane la pyntip da u Superintendent of Police ka East Khasi Hills Bah Vivek Syiem.
Ka Iingkashari ha ka hukum ba pynmih ha ka 10 tarik Naitung, kala hukum ban set along 20 snem lem bad ka kun aba T.50000 ia kine ki laingut halor ki kam runar bala pynngat hapoh ka kyndon 6 jong ka POCSO Act bad lada kim lah siew ia ka kuna, kin hap shong along sa hynriew bnai.
Ka Iingkashari kala hukum ruh ban set ia ki haduh 2 snem bad ka kuna ba T.10,000 halor ki kam runar kat kum ka kyndon 12 ka POCSO Act bad lada ym lah siew kuna, kin hap shong along sa 3 bnai.
Hapoh ka kyndon 17 jong ka POCSO Act, ka Iingkashari kala hukum ban set ia ki 10 snem bad ka kuna ba T.20000 bad lada ym lah siew kin hap shong along sa 3 bnai.
Hapoh ka kyndon 506 IPC, kine ki runar kila ngat ban shong along 2 snem bad ka kuna ba T. 10,000 bad lada kim lah siew, kin hap shong along sa 3 bnai.
Ia kane ka kam bymman la tohkit da ka WPSI MM Momin kaba don mynta ha Resubelpara, North Garo Hills.
 ka East Khasi Hills Kong MK Lyngdoh, kala hukum ban set along haduh 20 snem ia ki 3ngut ki runar kiba leh beijot ia ka khynnah kat kum ka case bala register hapoh ka Sadar Police Station.){kind=link}