Shillong, Naitung 15 : U Nongialam ka BJP bad Myntri Sorkar Bah AL Hek ula pynpaw ba ka Party kan sa shim rai halor ki kam ba iadei bad ka shuki Myntri.
Haba kylli halor ka lad ba ka BJP kan ioh ia artylli ki shuki Myntri ha ka MDA, u Bah Hek ula kdew sha ka party bad ong ba kin bud beit ia kaei ka rai jong ka party.
“Phi lah ban kylli n aka party. Ka party kan sa shim rai halor ki kam ka party ym u Bah Hek” ula ong haba iakren bad ki nongthoh khubor ha ka sngi Ba-ar.
Kane ka jingkren jong u kala mih hadien ka jingsaphriang ki khubor ba u Bah Hek u lah ban shah pyn hiar noh na ka shuki ban plie lynti ia u MLA ka South Shillong Bah Sanbor Shullai ba un shimti ia ka shuki Myntri sa arsnem shiteng, ban pyndep ia ka samoi treikam ka Sorkar MDA ba ialam ka NPP.
