Shillong,Jylliew 23 : Ka Bharatiya Janata Party (BJP) Meghalaya, kala ai khublei ia ka Sorkar Jylla halor ka rukom treikam bad shim ia ki lynti thymmai ban pynbeit ia ki jingeh bala sahteng la slem bha ba iadei bad ka hok ban kamai jakpoh jong ki nongshong dukan madan pyrshah ia ki jingeh ba mad da ki paidbah nongiaid nongieng.
Ka rai ba dang shen ban pynkynriah ia ki nongshong dukan madan na ka thain Khyndailad sha ka mala ba halor duh jong ka MUDA Parking Lot, la iaroh kum ka rai ba kongsan, kaba pyni ia ka jingkit khia jong ka Sorkar ia ka synshar khadar ba kdup lang ia baroh bad ka plan ba don ka jingkitkhlieh ba kumno ka sor kan long.
Kane ka jingpynkynriah ym tang ba kan pynkylluid ia ka iaid ka ieng ki briew bad ka jingiaid beit ki kali ha Khyndailad hynrei kan pynthikna ruh ba ki nongshong dukan madan kin ioh ia ka jaka kaba pynthi kna ia ka jingshngain, kaba pynsuk bad kaba don burom ban pyniaid ia ki kam jong ki.
Hynrei, ka BJP Meghalaya kala kyrpad ia ka Sorkar ban kner lem ia kum kane kajuh ka sienjam ha ka thain Laitumkhrah, kaba la jingiashong dukan madan ba khlem kyndon, kala ktah ia ka iaid ka ieng bad buh jingma ia ka jingshngain u paidbah.
Ka BJP ka ai jingmut ia ka Sorkar ban mynjur lang ha kaban pynkynriah ia ki nongshong dukan ha surok ka Laitumkhrah sha ka parking lot hadien ba la plie bad pyntreikam ia ka Iew Laitumkhrah. La ai jingmut ruh ba ka Sorkar ka lah ban wad ia ki lad ki lynti ban thied noh ia ki jaka ki riew shimet bym pat pyndonkam ne shu ieh kumto, hapoh ka thain khnang ban pynshna ia ka Iew ki nongshong dukan madan.
 Meghalaya, kala ai khublei ia ka Sorkar Jylla halor ka rukom treikam bad shim ia ki lynti thymmai ban pynbeit ia ki jingeh bala sahteng la slem bha ba iadei bad ka hok ban kamai jakpoh jong ki nongshong dukan madan pyrshah ia ki jingeh ba mad da ki paidbah nongiaid nongieng.){kind=link}