Shillong, Jylliew 19 : Ka Iingkashari u Magistrate, kala hukum ban set along haduh 20 snem ia ki 3 ngut ki runar kiba donkti ha kawei ka kam leh beijot kynhun.
Ia kane ka hukum la pynmih da ka Iingkashari DR Kharbteng, Additional Deputy Commissioner (Judicial) ha ka 2 tarik Jylliew, 2025.
Kine ki laingut ki runar ki kyrteng u Marwello Lawai, Elipsing Lawai bd u Rakesh Marboh, kiba la shah kem halor ka case bala register hapoh ka Mawryngkneng Police Station ha u snem 2022.
Ia kine ki runar la pynngat hapoh ka kyndon 323, 343 (ba setkut), bad 376D (gangrape) ong u Superintendent of Police ka East Khasi Hills Bah Vivek Syiem, ha ka kyrwoh ba pyllait ha ka sngi Palei.
“Ka Iingkashari kala hukum ban set along ia ki shisnem hapoh ka kyndon 323 &343 IPC bad 20 snem lem bad ka kuna ba T. 1 lak hapoh ka kyndon 376D. Lada ym lah siew ia ka kuna, kine ki runar kin hap ban shong along sa 2 bnai” ula ong.
Ia kane ka jingjia la tohkit da ka WPSO KD Sangma, kaba don mynta hapoh ka Directorate of Infiltration.
