Shillong, Jylliew 14 : U General Secretary ka BJP-Meghalaya Wankitbok Pohshna ha ka sngi Saitjain ula ong ba ka party kan sa sei paidbah shen iaki jingshem halor ka jingtohkit iaka kam tih dewiong beain hapoh ka Jylla.
Haba iakren bad ki nongthoh khubor, u Bah Pohshna ula ong ba ka Fact Finding Committee ki 10 ngut ki dkhot, kala dep ban aiti ia ka kaiphod ba nyngkong sha ka party ha kine ki lai taiew bala leit.
“Ka dei ka kaiphod kaba jrong bha. Ngin sa leit, aiba ki paidbah kin tip ia kaei kaba ngi la shem” ula bynrap.
U Bah Pohshna ula ong ba ka BJP ka dang ap ia ki katto katne ki jingshisha ki ban sa pynshisha da ka Committee.
“Ki don katto katne ki kam ba dang sah. U Convener ka Committee ula bthah ban nym pat kren eiei satia tad hadien bala aiti ia ki katto katne ki jingshisha. Ngi dang ap ia u convener ba kren halo kane” ula ong.
