Shillong, Jylliew 14 : U President ka BJP-Meghalaya Rikman G Momin ha ka sngi Saitjain ula ong ba ka shong ha ka mon u Myntri Rangbah ka Jylla Conrad K Sangma ban bujli Myntri hapdeng ki 2 ngut ki MLA ka party.
U Momin ula kyntait ban jubab la kan don ka jingiasam ia ka shuki Myntri hapdeng u Bah AL.Hek MLA ka Pynthorumkhrah bad Bah Sanbor Shullai, MLA ka Shillong South kumba la leh ha ka Sorkar MDA-I bad ong “Ia kane ngan ym jubab sha phi mynta. Ka jingkylli kam mih satia. Ka Sorkar ka dang iaid mynta”.
Ula kam ruh ba um don jingbna eiei halor kano kano ka jingiateh kular bad ong “Ia kane hi ngam don jingtip naba ka shong ha ka mon u Myntri Rangbah ka Jylla.
“Kumno phi lah ba ong kumta? Ynda la poi kata ka por ha kata ka por ngan sa batai ia phi” bynrap u Momin.
