Shillong, Jylliew 08 : U Tourist Guide ula pyntip sha ki Pulit ba ia ki shi kurim na Indore la synran da laingut ki shynrang ha ka sngi ba ki jah rngai na Sohra.
U Abert Pde, uba dei uwei na ki guide (nongialam lynti) ha shnong Mawlakhiat, ha ka sngi Saitjain ula iathuh ba ula iakynduh ia kine ki shikurim- Raja Raghuvanshi bad ka kurim Sonam-lem bad laingut ki shynrang katba ki dang wan phai na ka jingkeing Diengjri ha Nongriat.
Ula iathuh ba kine ki 4 ngut ki shynrang (Raja bad 3 ngut) kila iakren iakhana da ka ktien Hindi katba ka Sonam ka dang iaid nadien.
U Albert u pyntip ruh sha ki Pulit uba la tyrwa ia kine ki shikurim ba un ai jingshakri ha ka 22 tarik Jymmang, hynrei kila kyrngah da kaba sngewrit.
Kine ki shikurim kila shim ia ka jingshakri jong u Bhakupar Wansai ban hiar sha Nongriat ha kaba kila sah shimiet hapoh ka Homestar ba ai kyrteng ka Shipara Homestar, hashuwa ba kin mih ha ka step kaba bud khlem u nongialam lynti.
“Kila kyrngah ia ka jingshakri jong nga ha ka por ba ki wan phai” ula ong haba bynrap ba ynda ula poi ha Mawlakhiat, ka Scooter jong ki, kam shym la don shuh. Une u Tour Guide ula leit mih ruh hakhmat ki Pulit ban batai ia ka jingshem jong u.
Kine ki shikurim ba dang shu dep iathoh, kila jah rngai ha ka 23 tarik Jymmang bad ia ka scooter ba don bad u shabi, kaba ki shim wai, la lap pat na Sohrarim, kaba jngai katto katne kilometer na Wahlakhiat.
Ia ka metiap jong u Raja la lap ha ka 2 tarik Jylliew napoh ka riat kaba jylliew bha ba marjan ka Kshaid Wei Sawdong.
