Shillong, Jylliew 06 : Ka Meghalaya Human Rights Commission (MHRC) kala shim mukotduma suo motu halor ka jingiap jong ka longkmie ba armet ha Maternal Child Health (MCH) Hospital, Jowai.
Ia kane la pyntip da u Secretary ka MHRC uba la pyntip ba ka Commission kala phah notice sha u Principal Secretary ka Tnad ka Koit ka Khiah ka Jylla, ba un thung ia ka jingtohkit bad ban aiti ia ka kaiphod sha ka Commission ha ka ban ban sa buh.
Kawei ka longkmie Kong Pynche Bareh ba na Jalaphet, East Jaintia Hills, kala khlad bad la I khunlung ba dang pun hakpoh myn ha ka miet sngi Balang, na ka jingkynnoh khein sting jong ki doktor bad ki nos kane ka hospital Sorkar.
Na ka liang u Deputy Commissioner ula thung ia ka Inquiry Committee ban tohkit ia kane ka jingkynnoh bad ula buhpor ban pyndep bad aiti ia ka kaiphod jingtohkit hapoh ka 9 tarik Jylliew.
