Shillong Jylliew 04: Ka Sorkar Jylla kala shim ia ka rai ban thaw ia ka State Seed Certification Agency.
Ia kane ka rai la mynjur da ka jingialang ka kynhun myntri ka jylla kaba la pyniaid da u Myntri Rangbah ka jylla u Conrad K Sangma hynne ka sngi Balang.
Haba iakren bad ki nongthoh khubor, u Conrad Sangma ula ong ba ka jingdon ia ki symbai, ka jingbha jingmiat ne Quality jongki symbai bad ka por kaba dei ban ioh ka long kaba kongsan bha na ka bynta ki nongrep.
Kham mynshwa ia kane ka Certification la leh na ka jylla Assam.
“Kumta, mynta ka sngi, ngi la rai ban don ia ka Seed Certifying Agency, kaban ai jingbit ne syrnod ia ki nongrep, nongpynmih bad ki nongsengkam, ha kaba kin lah ban pynmih ia ki symbai bad ia ki tynrai bad ban shalan pat sha ka sorkar jylla ne sha ki nongrep. Kane ka long sienjam kaba kongsan bha, namar kan pynthikna ba ki nongrep kin ioh ia ka lad ba kin ioh pahuh ia ki symbai bapher bapher, ka jingbha jingmiat jong ki symbai bad ka dor jong ki symbai kaba kin ioh ruh kan long ha ka dor kaba biang bha” ula ong.
