Shillong Jylliew 04: Ka kynhun myntri hynne ka sngi Balang, kala ai jingmynjur ia ka jingtyrwa ban thied ia ka jaka kaba 6 akar na ka 11 akar, na ka bynta ban pyniar ia ka kad liengsuin Shillong Airport ban wan hiar bad her ki liengsuin.
Haba iakren bad ki nongthoh khubor hadien ba la wai ka jingialang, u Myntri Rangbah ka jylla u Conrad K Sangma ula ong, “Ngi lah dep ban mynjur ia ka jingtyrwa ban thied ia ka jaka na ka bynta ban pynheh bad pyniar ia ka Shillong Airport”.
Ula ong ba la donkam 11.75 akar ka jaka na ka bynta ban pynheh ia ka Runway ne ka jaka ban hiar bad her ki liengsuin bad na kane 4.3 akar ka jaka kadei ka jong ki shipai (Defence Land) bad la donkam sa 6 akar tam ka jaka ban thied na ki trai shnong.
“Kumta la thaw ia ka committee kaba la khlieh da u Deputy Commissioner, kaba la lum ia ka jingialang bad ki trai shnong ban pynbeit ia ka dor bad ia ka jingsiew ia ka bai lutksan.
Hadien ka jingiakren bad ka jingiatai sani, kumta la mynjur ban siew T. 72.17 klur kaban dei ka jingsiew ia ka bai jaka, ki dieng, ki jingthung, ki jingtei kiba don ha katei ka jaka na ka bynta ban shna pynheh ia ka Runway” la ong u Sangma.
