Shillong, Jymmang 28: U Myntri Rangbah ka Madhya Pradesh u Dr. Mohan Yadav ula pan jingiarap na u Myntri Rangbah ka Meghalaya Conrad K. Sangma ban wad lem ia ki shi kurim kiba la jah rngai ha Sohra.
Kine ki shi kurim kiba dei na Indore- u Raja bad ka Sonam Raghuvanshi, ki la jah klep ha ka taiew kaba la dep ha Sohra (Cherrapunji), Meghalaya.
Da kaba pynpaw ia ka jingsngewkhia ha X, u Yadav ula thoh, “Ka khubor ba ki nongshong shnong na Indore kiba dang shu dep kyntiew kurim u Raja bad ka kurim ka jongu ka Sonam Raghuvanshi kila jah ha ki lum Sohra, Meghalaya ka long kaei kaei kaba pynkhuslai bha”.
U Yadav ula ong, ba ula iakren bad u Myntri Rangbah Conrad Sangma ha kaba ula kyntu ban shimkhia mardor halor katei ka jingjia.
“U Myntri Rangbah ula pynthikna ba ki puklit bad ki bor pyniaid district kila trei thikna ban lap ia kitei ki shijur bad kila kular ban ai ia baroh ki lad jingiarap” la pynpaw u Yadav.
