Shillong, Jymmang 24: Ha ka jingjia kaba khlemrain khait, uwei u riew jakhlia ba tap durkhmat lehse u bym don Kmie ne hynmen/para Kynthei shuh, ula leh ia ka kam kaba ijaboh haduh katta katta, kaba ktah beit beit ia ka longryngieng jong kawei ka Khynnah Skul.
Une u riew jakhlia ula leh ia ka kam ka bym pat ju jia koit, kata ban khyllie skad ia ka khynnah Kynthei ba dang iaid hala ka jong lynti ban leit phai shala iing.
Ia kane ka jingjia ka ioh ban ring video lyngba ka kor CCTC jong kawei ka Iing ha Umsohsun, Shillong. Kane ka jingjia kala jia ha ka step sngi Thohdieng.
Kaba i jakhlia shuh shuh ka long ba une u riewbynman ula ring video ruh da ka phone ia kane ka Khynnah.
Na kaei kaba paw, la i kumba une u briew u da thmu ban leh ia kane ka kam bymman bad pynlong sohpdung ia ki khynnah Kynthei khamtam ki khynnah skul.
Kat haduh mynta, ym pat don satia kano kano ka khubor na ki Pulit.
