Shillong, Jymmang 22 : Ki Seng bapher bapher ka skulbah North Eastern Hill University (NEHU) ha ka sngi Palei, kila iai ban ia ka jingdawa bna weng noh mardor ia u Vice Chancellor Prof PS Shukla matkhmat ki arngut ki Ophisar na ka Ministry of Education, ha ka jingwan iuhkjat jong ki ban shong bishar kam halor ka jingtreikam jong kane ka skulbah.
U Additional Secretary, Sunil Kumar Barnwal (Department of Higher Education) ryngkat bad u Director, Subrat Kumar Pradhan (Department of Higher Education) kiba dei na ka Ministry of Education – kila kyntait ban iathuh ia ki jingmih na ki jingiakynduh jong ki bad ki seng bapher bapher ka University ba kynthup ia ki Nonghikai, ki Samla Pule bad ki Nongtrei.
U Barnwal ula khein ruh ia kane ka jingialang kum kaba ‘bha” hashuwa ba un mih napoh ka Administrative Block.
“Nga la shong jingialang kaba sngewtynnad bad ki Nonghikai-baroh ki Dean, ki Head of Department. Ka dei ka jingshem kaba sngewtynnad bad ka jingialang ka long kumba ju long bad ngin nang trei kham bha” kynthoh une u Additional Secretary.
Haba iakren bad ki nongthoh khubor hadien ka jingialang, u President ka North Eastern Hill University Teachers’ Association (NEHUTA) Prof Lakhon Kma, ula ong ba kane ka jingialang ka long kaba seisoh bha.
“Ka kynhun kala wan hangne ban peitthuh ia ka jinglong jingman ba kumno ki kam kila iaid ha ka jingdon bad khlem u VC ba pura khamtam eh bym don u VC ba pura. Ka NEHUTA kala pynsngew ia baroh ki jingeh hakhmat ka kynhun” ula pyntip.
“Ngi la kren shai ba ka jingwan phai jong u (Prof Shukla) hangne kam dei shuh ban dei ka lynti” bynrap u Prof Kma.
Haba kylli, une u President ka NEHUTA ula ong ba kane ka kynhun na Delhi bad ki seng bapher bapher jong ka University ki thrang ban pynbeit noh ia kane ka kynrum kynram ba don mynta hapoh ka University.
Kat kum ka jingong jong u, kane ka kynhun ka dang pynkhreh ia ki sienjam kumno ban leh hynrei ia kane kin dang ban shim ia ka rai.
“Ki (Ophisar ka MoE) ruh ki tip bha ba kam long shuh kaba lah ban shah ia u (Prof Shukla) wat ban pyrkhat ba un wan phai biang sha ka campus. Kumta, ngi ngeit ba hadien kane ka jingialang bad ki namar kumba ka paw ki long kiba kloi ban wad ia ka lynti ban pynbeit khnang ba ka NEHU kan wanphai biang sha ka jinglong kaba rim” ong u Prof Kma.
Halor ka jigniaid jong ka jingtohkit bala thung da ka MoE halor ki jingkynnoh bym lah treikam ki bor pyniaid ha NEHU, u Prof Km aula ong “Ngi la kylli bad ki (Ophisar ka MoE) la ong ba kila pyndep ia ka jingtohkit bad ki dang bishar ia ka hynrei ka I pat kumba kila dep ban shim rai tangba kim shym la iathuh ha ngi ia kaei kata ka rai”.
Ula iathuh ba u Prof Shukla u khlem wan satia sha ka jingialang bad ka Pro Vice Chancellor Prof SM Sungoh ka dei kaba la pynbeit lut nadong hadong ia ka jingialang hapdeng kane ka kynhun na Delhi bad ki seng bapher bapher ka University.
Haba pynpaw ia ka jingsngewhun hadien ka jingialang,u Vice President ka NEHUSU samla Ricky Deiburom Rabon ula ong “Ka jingialang ka long kaba sngewtynnad bad ngi iaroh ia ka kynhun ka Ministry kiba la wan sha ka University ban sngap ia ki jingeh jong ngi namar baroh shikatta ngi dang iai ia ka jingpynbeit kaba bha. Hooid, ngi kyrmen ban gin sa ioh ia ka rai kaba pdiang da baroh ki seng na ka University.
“Ka jingdawa jong ngi hi ka long kumba mysnhuwa ba ngi iengskhem kam pher la ka long kumno kumno ruh ba ngin ym pdiang shuh ia u Prof Shukla hapoh ka University jong ngi bad wat ki trai shnong ka Meghalaya kila de pynbna ia u kum u briew bym pdiang shuh. Kumta, ngin ym pdiang shuh ia u la ka long kumno kumno ruh”.
 ha ka sngi Palei, kila iai ban ia ka jingdawa bna weng noh mardor ia u Vice Chancellor Prof PS Shukla matkhmat ki arngut ki Ophisar na ka Ministry of Education, ha ka jingwan iuhkjat jong ki ban shong bishar kam halor ka jingtreikam jong kane ka skulbah.){kind=link}