Guwahati, Jymmang 18: U Myntri Rangbah ka jylla Assam u Himanta Biswa Sarma, mynta ka sngi u la kynnoh pyrshah ia u MP jong ka Congress u Gaurav Gogoi, ba u la leit sha Pakistan hadien ba u la shah khot sngewbha ha ka tnad syntiat ka Inter-Services Intelligence (ISI).
U Sarma u la kynnoh ba u Gogoi u la leit sha Pakistan ban ioh pdiang ia ka jingshah hikai pyntbit bad u la bynrap ruh ba ki don ia ki kot ki sla ban pynshisha.
Shuh shuh u Sarma u la pynpaw ruh ba ka jingshah khot ka wan beit na ka Pakistan’s Home Department—ym na ka Ministry of External Affairs ne ka Cultural Ministry.
“Kane kadei ka kam kaba sngewkhia bha” ong u Sarma bad u la ai ksai ruh ba dei ban ai ka jingshah pynshitom.
.){kind=link}