Guwahati, Jymmang 01: Ki paidbah ka Tinsukia kila her mynsiem na ka jingbthei kynsan kynsan jong kawei ka pung pyllang umphniang ba 309 ka Oil India Limited’s kaba don ha ki thaiñ Nagajan, Tinsukia district.
Ha kane ka jingbthei kala don ruh ka jingsawa kaba jur bad ka jinglait ka gas kaba la pynsyier haduh katta katta ia ki paidbah nongshong shnong.
Ki tyllong khubor na ka OIL ki ïathuh ba kane ka jingjia ka la jia hajan ka thaiñ Kathalguri-Nagajan namar ka jingjulor ka Casing Valve (jingtap) jong ka pung.
Ka jingpyrshang kaba dang iaid mynta ban tehlakam ia ka jinglong jingman bad ban pynlip iaka Valve.
Ka jingmih kynsan jong ka Gas bad ka jingsawa jong ka jingbthei ka la wanrah ia ka jingtieng bad jingsyier ia ki briew kiba don ha kane ka thain.
