Shillong, Iaiong 19: U National President jong ka National People’s Party’s (NPP) uba dei ruh u Myntri Rangbah ka jylla Meghalaya u Conrad K. Sangma , u la pynbna paidbah ia ki kyrteng kiban long ki dkhot jong ka national committee ka party na ka bynta ka samoi trei kam 2025-2028.
Kum ban shu kdew ba u Conrad K Sangma u la shah jied biang ban long kum u National President ka NPP la saw sien kynthih ha ka 15 tarik jong u bnai Lber 2025 ha ka organizational election jong ka party ha Constitutional Club of India ha New Delhi. Ha ryngkat bad u Conrad K Sangma la shah jied ruh u Paknga Bage uba dei u myntri sorkar barim jong ka Arunachal Pradesh khlem da don kiba iakhun pyrshah kum u General Secretary (Organisation), ka MLA jong ka Gambegre ka Dr. Mehtab Agitok Sangma kala shah jied kum ka Tresurer jong ka party.
U Hehduh jong ka NPP u la pynbna ia ki kyrteng jong ki dkhot ba thymmai ka national committee jong ka party ha ka 17 tarik mynta u bnai Iaiong 2025.
U James P.K. Sangma, uba dei u general secretary (organisation) barim u la shah jied kum national working president bad kumjuh ruh ia saw ngut ki national vice presidents ba kynthup ia ka Agatha K. Sangma (Meghalaya), S.L. Kol (Madhya Pradesh), Vevoyi Wideo (Nagaland), bad u Pesi Jilen, MLA na Arunachal Pradesh.
Ki National general secretaries kiba la shah jied ki dei u Paknga Bage (organisation) na Arunachal Pradesh bad u Abhaya Kashyap (Law & Administration) na Delhi. Katba ki national secretaries ki kynthup ia u Tapi Darang (MLA, Arunachal Pradesh), ka Dr. M. Ampareen Lyngdoh (MLA, Meghalaya), u Samuel Sumi (Nagaland), bad u Saidul Khan (Meghalaya).
Ki executive members jong kane ka committee ki kynthup iaa u Washi Yalem (Arunachal Pradesh), Yura Mary (Arunachal Pradesh), Namgey Tsering (MLA, Arunachal Pradesh), Santa Mary Shylla (MLA, Meghalaya), Grace Mary Kharpuri (Meghalaya), Pyniaid Sing Syiem (Meghalaya), Ratika Yumnam (Manipur), W. (O) Sumati Devi (Manipur), Maibam Dhanabir Singh (Manipur), Md. Sazad Bhuiya (Manipur), Janghemlung Panmei (MLA, Manipur), Avitso Lcho (Nagaland) bad u Philip Lam (Nagaland).
 uba dei ruh u Myntri Rangbah ka jylla Meghalaya u Conrad K. Sangma , u la pynbna paidbah ia ki kyrteng kiban long ki dkhot jong ka national committee ka party na ka bynta ka samoi trei kam 2025-2028.){kind=link}