Shillong, Iaiong 16: Ka Jaiñtia National Council (JNC) Western Zone ka la pynpaw ïa ka jinglyngoh ha kaba ïadei bad ka jingthung jubor ka sorkar Assam ïa uwei u khlieh nongsynshar na ka jaidbynriew Karbi ha Lakaroi, ka shnong kaba don hapoh ka Jylla Meghalaya bad kaba la synshar da ka JHADC.
Halor kane ka mat, u President ka JNC Western Zone u Hamehi Bamon u la ialam ia ka kynhun ban ia kynduh ia u Chief Executive Member ka JHADC u Bah Thombor Shiwat ban pan jingshai halor ka jingleh jong ka sorkar Assam.
Ka shnong Lakaroi ka dei kaba hap hapoh ka jingpeit jong ka Dorbar Pyllun Lapangap kaba hap hapoh u pud u sam jong ka West Jaiñtia Hills District.
Ka JNC ka la lap ruh ba bun bah ki nongshong shnong ha Lakaroi ki dei na ka jaitbynriew Karbi, bad ki kot ki sla jong ki, kynthup ïa ki ID thep vote, la ai da ka Dorbar Shnong Lapangap. Kaba sngew shyrkhei ka long ba la iathuh ba kine ki riew shimet ki pynkynriah ia ki kot ki sla sha Assam khlem ka jingmynjur jong ka JHADC.
“Ngi kyntu ia phi ban leh ia kaba donkam da kaba phah ia ki briew na ka ophis jong phi sha katei ka shnong bad ban weng noh kloi ia utei u rangbah shnong, namar ba kane ka shnong kam dei ka bynta jong ka Assam, bad kim don bor ban tuklar ia ka khyndew ka shyiap jong ngi,” la pynpaw u President ka JNC Western Zone.
Halor kane, u CEM u la kular ïa ka seng ba yn sa leh eiei mardor ïa kino kino kiba pynkheiñ ïa ki kyndon jong ka JHADC. U President ka JNC u la ban jur ba lada ka JHADC kam lah ban bat ia ki jingkular jong ka, kin nym shu shong kli kti.
 Western Zone ka la pynpaw ïa ka jinglyngoh ha kaba ïadei bad ka jingthung jubor ka sorkar Assam ïa uwei u khlieh nongsynshar na ka jaidbynriew Karbi ha Lakaroi, ka shnong kaba don hapoh ka Jylla Meghalaya bad kaba la synshar da ka JHADC.){kind=link}