Shillong, Iaiong 10: Ka Sorkar Jylla kala rai ban shna ia ka Addict Treatment Facility (ATF) ha shnong Umsawli kaba hap hapoh ka New Shillong Township, na ka bynta ban sumar bad ai jingiarap ia ki nongdih droks “khlem kano kano ka jingsiew”.
Ia kane ka rai la shim ha ka jingialang jong ka Drug Reduction Elimination & Action Mission (DREAM) bala pyniaid da u Myntri ka tnad Social Welfare Bah Paul Lyngdoh hynne ka sngi Palei.
La wan iashimbynta ha ka jingialang da ka Director General of Police (DGP) Kong Idashisha Nongrang, u Mission Director ka GREAM Francis G Kharshiing, u SP ka Anti-Narcotics Task Force (ANTF), DHS, Medical Superintendent ka Shillong Civil Hospital bad kiwei kiwei.
Haba kren sha ki nongthoh khubor, u Bah Paul ula ong ba ka jingdon ki nongdih droks ha Jylla bala rah na ki surok bad na kylleng ki jaka ka nongbah kim don satia ia kino kino ki jaka ban ioh ia ki jingsumar, pynkhuid ia u droks bad ka jingiasyllok.
“Khnang ban pynioh ia kine ki lad jingiarap baroh sha ki nongdih droks bala kyrni, ka jingialang ba mynta ka sngi kala rai ba ngin pyntyllun shakhmat kumba ngi la iakren ha ka jingialang ba khatduh jong ka DREAM project n aka bynta ban pynkha ia kaei kaba ki khot ka Addict Treatment Facility (ATF)” ula ong haba bynrap “Ha kane ka ATF, ngin don ia ki Psychiatrist bala dep hikai pyntbit, ki jingthiah bad jaka sah bad ruh, ngin don ia ki nongiasyllok ia ki nongdih droks. Ka jingmut hi ka ong ba shisien ba ngi la pyndep ia ka jingsumar ban pynkhuid ia u droks bad iasyllok, kin long kiba la bit ban ia im ryngkat ha ka imlang sahlang”.
Ula ong ba ia kane ka ATF yn shna ha Umsawli, ha ka jaka bala don lypa ka Covid Centre kaba la biang lut ia ki jingdonkam bad ngin shu pynbiang ia kiei kiab duna ha kane ka Centre haba bynrap ba ka tnad kan sa pynbiang ia ki nongtrei kiba donkam.
U Bah Paul u pyntip ba ha kine ki arsngi ban wan, ka kynhun ka ban ialam da u Mission Director ka DREAM kan sa leit ban jurip ia kane ka centre ha Umsawli khnang ban peit ia ki jingpynkhreh ha katei ka jaka bad ong “Ka kynhun kan sa pyntip pat sha nga shisien ba la pyndep ia kane hynrei ia ka rai bala shim hi ka long ban gin jam shakhmat ban buh ia kane ka ATF”.
Haba kylli, u Myntri ula pyntip ba ka pisa kala don lypa bad ka DREAM Mission na ka bynta ban buh ia kane ka jaka sumar.
“Ngin pyntrei ia ki kam da ki bynta bynta hynrei ha ka bynta ba nyngkong, ka dei ban kot hapdeng T.50-T.70 lak”.
Kat kum ka jingong jong u, ka pisa kala don mynta bad ka Tnad kaba la wan lyngba ka Ministry of Social Justice bad Empowerment bad ki don ruh ki bynta ba ioh na ka Tnad ka Koit ka Khiah ban iarap ai jingsumar ia ki nongdih droks khlem kano kano ka jingsiew.
 ha shnong Umsawli kaba hap hapoh ka New Shillong Township, na ka bynta ban sumar bad ai jingiarap ia ki nongdih droks “khlem kano kano ka jingsiew”.){kind=link}