Shillong, Lber 30 : Ki shipai BSF ka 110 Bn, Meghalaya kila ioh pynpulom ia ka jingthmu khaii tuh ia ki masi sha Bangladesh hynnin ka sngi Saitjain bad ioh kem ia 4 ngut ki nong India kiba leh ia kane ka kam na khappud Meghalaya.
Ia kine ki masi la thmu ban khaii tuh lyngba ki jaka khappud ka East Khasi Hills District. Ki BSF kila ioh ruh ban kurup ia 3 tylli ki kali bad 13 tylli ki masi.
Ha kawei pat ka jingjia, ki BSF kila ioh ban kem ia uwei u nong Bangladesh katba u dang thmu ban prong tuh sha khappud India na East Jaintia Hills.
Une u nong Bangladesh u kyrteng u Shamsuddin ba na Sanatan Punji, Sylhet District.
Ia kine ki briew bad ki masi la aiti noh sha ki Pulit ba kin tohkit bad leh ia kaba donkam.
