Shillong Nailar 30: U Myntri Rangbah ka jylla u Conrad K Sangma u la pyntip ba ki kam ki jam kila iaid shakhmat na ka bynta ban pynkhreh iaka jingiakren iasuk hapdeng ka kynhun kieng atiar Hynniewtrep National Liberation Council (HNLC), ka Sorkar Pdeng bad ka Sorkar Jylla
“Kadei ka rukom long bad ngi hap ban sngewthuh ba kiei kiei baroh kin ym lah ban jia noh mardor hi, ki don bun ki jingsngewkhia na baroh ki liang bad ki long kiba don nongrim, kumta ngi donkam ban shim ia baroh kitei ki jingsngewkhia bad ban pyniaid shakhmat iaka jingiakren” ong u Conrad K Sangma haba jubab halor ka jingkylli lano kan sdang noh ka jingiakren iasuk bad ka HNLC khamtam haba 5 ngut ki nongialam katei ka kynhun kieng atiar kila don hapoh ka nongbah Shillong.
“Ki kam ki jam kila iaid shaphrang bad ngi la iaid ha ka lynti kaba dei bad ngin pyrshang ban pynkloi ia ki kam ki jam baroh tangba ngi donkam ban sngewthuh shai ba kane ka kam ka long kaba suk. Ngi donkam ban iasyllok bad baroh bad ban ioh ruh iaka jingshaniah haba ngi iaid shakhmat bad ngi la sdang ia kiei kei bad nga ngeit skhem ba ngin lah ban pyniaid shakhmat ia katei ka jingiakren bad ban pynpoi iaka sha kaba kut” la ong u Myntri Rangbah ka jylla.
