Shillong, Lber 12 : Haduh 10 tylli ki skhim Jal Jeevan Mission (JJM) kila treikam ha Mawlai bad napdeng kine, 8 tylli ki dei kiba la dep ban pyntrei.
Ia kane la pyntip da u Myntri ka tnad PHE Marcuise N Marak ha ka jubab bala wanrah hapoh ka Iingdorbar Thaw Ain ha ka sngi Balang.
U pyntip ba artylli ki skhim ha Mawlai ki dei kiba dang iaid ha ka jingpyntrei. Kine ki dei ka jingkyntiew kyrdan ia ka Mawtawar Water Supply Scheme bad ka Umshillong Lummawnei, Umthlong, Mawiong bad Block-13 Water Supply Scheme.
Ki phra tylli ki skhim kiba la dep pyntrei ki kynthup ia ka Umsaw-Mawtawar Water Supply scheme, ka Mawkynroh-Umshing WSS, ka retrofitting ka shnong Mawsiatkhnam, ka Mawsiatkhnam WSS, Madan Mawkhar WSS, Umphew WSS bad Umrynjah WSS.
Haba kren halor ka skhim JJM baroh kawei, u Myntri u pyntip ba ka Tnad kala pyndep haduh 81.78 % na ka thong bala buh, kaba long palat 5,32,297 tylli ki longiing kiba la ioh ia ka kor um iing kaba mih um na ka JJM.
 kila treikam ha Mawlai bad napdeng kine, 8 tylli ki dei kiba la dep ban pyntrei.){kind=link}