Shillong, Lber 11: Ka Indian Meteorological Department (IMD) kala pynmih ia ka jingmaham na ka bynta ka jylla Meghalaya bad pynpaw ba ka lah ban don ka eriong, ka jingpom pyrthat bad ka lyer kaba jur ha ki katto katne ki District ha kine ki 5 sngi kiban wan.
Watla bun ki district kim shym la don ia kano kano ka jingmaham haduh hynne ka sngi baar, hynrei ka jinglong jingman jongka suinbneng la khmih lynti ba kan long ka bym bha naduh ka sngi Balang ha kaba kan don ka eriong bad ka jinghap slap ryngkat bad ka jingpom pyrthat ha ki katto katne ki jaka kiba don ha East Khasi Hills, Ri-Bhoi, West Jaintia Hills, East Jaintia Hills bad Eastern West Khasi Hills. Kin don ruh ki jaka kaba ka lyer kan jur bha hapdeng jongka 30-40 km/h.
Ka IMD kala buh ia kine ki jaka hapoh jong ka ‘Yellow Alert’ naduh ka 12 tarik u Lber haduh ka 14 tarik u Lber, la bthah ia ki nongshong shnong ba kin long kiba husiar na ka eriong ryngkat bad ka jinghap slap bad ka jingpom pyrthat kaba la lah ban buh ha ka jingma ha ki katto katne ki jaka. Hynrei kane ka jingamaham kan kiew sha ka kyrdan ‘Orange Alert” ha ka 15 tarik u Lber ha kaba kan don ka jingther u lapbah uba long 64.5mm haduh 115.5mm ha ki katto katne ki jaka.
Ka IMD kala kyntu ia ki nongshong shnong khamtam ha ki jaka kiba kham ma, ba kidei ban shim ia ki lad ban kiar ban mih ha ki jaka kiba long thylli khamtam ha ka por ba jur ka eriong.
Ka IMD kala kyntu ruh ia ki nongrep bad kito kiba trei ha ki jaka kiba don habar, ba kin long kiba husiar ban lait na kino kino ki jingma na ka jingpom pyrthat bad ka jingjur ka eriong.
 kala pynmih ia ka jingmaham na ka bynta ka jylla Meghalaya bad pynpaw ba ka lah ban don ka eriong, ka jingpom pyrthat bad ka lyer kaba jur ha ki katto katne ki District ha kine ki 5 sngi kiban wan.){kind=link}