Shillong, Rymphang 26: U myntri ka tnad pule puthi u Rakkam A Sangma hynne ka sngi u la leit jurip ia ka College of Science and Commerce kaba don ha Mawphlang.
Ha kane ka sngi la don lang ki heh ophisar ba kynthup u Director ka Directorate of Higher and Technical Education (DHTE), u Chief Engineer ka PWD (B), u Joint Director ka DHTE, u Executive Engineer ka PWD, u Sub-Divisional Officer, ki ophisar ka MeECL bad PHE.
Ha kane ka jingleit jurip, u Myntri ka tnat Pule Puthi u la leit jngoh ia ka jaka pule ban bishar bniah ia ki jingdonkam bad ki jingtei jong ka Kolej.
Ka jingleit jurip ka long ruh ban bishar bniah ia ka jinglong jingman jong ka jaka pule bad ban ithuh ia ki bynta kiba lah ban ioh jingmyntoi na ki jingpynbha, khamtam ha kaba iadei bad ki lad jinghikai bad ka jingpynheh ia ki jingtei jong ka Kolej.
Hadien ka jingjurip, u Myntri u la bthah ïa ka tnat ba dei peit ba kan pyndep ïa ki kam kiba dang sahteng bad ban pynthikna ba ka Academic Session kan sdang noh ha u bnai Jymmang ne Jylliew mynta u snem.
