Agartala, Rymphang 26: Ki dkhot sengkieng atiar bala wan pyndem wait naka kynhun Tripura United Indigenous Revolutionary Peoples’ Council (TUIRPC) hynne ka sngi ki la pynlong ïa ka pakhang surok ha ka surok Assam-Agartala National Highway ha Hatai Kotor, West Tripura.
Kane ka jingpakhang surok kadei ban dawa naka Sorkar Jylla Tripura ban pyntreikam iaka 21 tylli ki mat jingdawa
Ka TUIRPC kala kynnoh ba watla ka Sorkar Jylla Tripura kala kular ban pyntreikam kine ki mat hynrei haduh mynta kam pat pyni iaki dak ki shin ba kan pyntreikam.
Lah ban kdew ba ia ka soskular la iasoi da ka kynhun NLFT (NB), ATTF bad TNV hapdeng ka jingsakhi jong ki tnat kum ki Pulit ka Jylla Tripura, TSR, CRPF, BSF, ba ki bor syntiat.
“Ka Sorkar ka la ai bun ki jingkular, hynrei kam shym la pynurlong satia. Bun na ki jingdawa jong ngi ki dang sahkut, dei na kata ka daw ba ngi la pynlong da kane ka pakhang surok kum ka jingpyrshah. Kane ka dei ka sien kaba 5 ba ngi shim ia kum kane ka sienjam,” ong u nongialam ka TUIRPC u Daniel Borok Debbarma.
U Daniel u la ong, “Ki jingdawa ba kongsan jong ngi ki kynthup ban weng noh ia baroh ki mukotduma pyrshah ia ngi bala ujor da ka iingbishar bad ki pulit. Wat mynta ruh, ngi dang shah khot hajir ha ki pulit na ka bynta ki mukotduma bapher bapher. La kular ruh ha ngi ba ngin ioh ia ki iingsah hynrei ym shym la lah ban pynbiang ia kawei ruh”.
“Ngi dawa ruh ban pyndonkam da ki dak Roman na ka bynta ka ktien Kokborok, ban bujli ia ki dak Bengali kiba mynta” u la ong.
Ka jingpakhang surok daka TUIPRC ka la wanrah ïa ka jingthut haka iaid ka ieng namar da ki spah tylli ki kali ki la sahkut baroh shisngi.
 hynne ka sngi ki la pynlong ïa ka pakhang surok ha ka surok Assam-Agartala National Highway ha Hatai Kotor, West Tripura.){kind=link}