Shillong, Rymphang 19: Ka KSU Jowai Unit hynne ka sngi Balang kala noh synniang da ki kot ia ki khynnah skul kiba wan na ki longing kiba duk khnang ba kin lah ban bteng ia ka jingpule.
Ia kane ka kam synniang jong ka KSU-Jowai la lamkhmat da Ka Education Cell.
Ha kane ka jingnoh synniang ia ki kot skul la iadon lang u General Secretary ka KSU WJHDU u Leningrad Tariang, General Secy ka KSU Jowai Circle Nidapoi Shadap, Ladaplin Hayong Education Secretary ka War Jaintia Circle, u Ewanmi Phawa President ka KSU Jowai Unit, ki dkhot ka seng bad ki kmie ki kpa jong ki Khynnah Skul.
U Daohipaia Langstang, Publicity Secretary ka KSU Jowai Unit ula pyntip ba ka jingthmu jong ka seng ka long ban kyrshan ia ki khynnah skul, ban kiew ka pule puthi hapoh ka Bri u Hynniewtrep bad ban kiew ka jaitbynriew Khasi baroh kawei bad ka seng kan nang iai bteng ban shim ia ki sienjam ban kyrshan iaki samla pule.
