Elekshon MDC | Pyndep u Bah PN Syiem ban thep kyrteng na Mawkhar-Pynthorumkhrah

Date:

Share post:

Leit ka Congress sha u paidbah halor ki 10 tylli ki mat

Shillong, K’lyngkot 29 : U Nongialam ka Congress bad Chief Executive Member (CEM) barim ka Khasi Hills Autonomous District Council (KHADC) Bah Pynshngainlang N Syiem, ha ka sngi Balang, ula leit thep kyrteng ban iakhun ia ka elekshon MDC na Mawkhar-Pynkhorumkhrah kaba u mihkhmat hi mynta.

Haba iakren bad ki nongthoh khubor, u Bah Pynshngain ula pynpaw ia ka jingsngewskhem ba ki paidbah ka constituency kin ai ka jingshaniah ha u bad pynthikna ba un shah jied biang ban leit mihkhmat sha District Council.

“Nga sngewskhem ban jop ia ka elekshon namar nga la noh synniang shibun eh sha ka constituency bad ruh ha KHADC lyngba ka jingmynjur ia ki bill bapher bapher” ula ong.

“Ngi la wanrah ia ki amendment ba donkam ban ai jingithuh ia ki Seng Kynthei bad Seng Samla ha ki Dorbar Shnong” ong u Bah Pynshngain haba ban jur ia ka jingdonkam ban wanrah shuh shuh ia ki amendment ban pynjanai bha ia kiba bun ki ain hapoh ka KHADC khnang ba kin nang khlain bad treikam bha na ka bynta ka jingmyntoi ki paidbah ka thain.

Nalor kane, une u Nongialam ka Congress ula ong ba ka party jong u (Congress) kala leit sha ki paidbha ban pan ia ka jing kyrshan halor ki 10 tylli ki matba kynthup ia ka jingdonkam ban buddien ia ka jingtyrwa ban pynkylla ia ka Sixth Schedule ka Riti Synshar ka Ri bad ruh ban pynthikna ba kine ki amendment kin ai jingmyntoi ia ki paid riewlum trai jylla jong ka Jylla.

Ula ong ruh ba ka party kan ialeh ban pynjanai ia ka jingtreikam jong ka Executive, Legislative bad Judiciary jong ka KHADC lada ka shah jied ha ka bor nalor ban pynkhlain ia ka pla tyngka jong ka KHADC da kaba pynjanai ia ka jingpynmih pisa ban pynthikna ba ki nongtrei ka Council kin nym mad ia ka jingeh haba iadei bad ka jingsiew tulop.

Share post:

spot_img

Popular

More like this
Related

Hukum ka Iingkashari ia ka Sorkar ban tohkit ia jingkynnoh tih mawshun be-ain ka Amrit Cement

Shillong, Rymphang 19 : Ka Iingkashari Meghalaya High Court...

Phah tuklar ka KSU ha ka DGP halor ka eksamin thungkam ia ki Pulit

Shillong, Rymphang 19: Ka Employment Monitoring Cell jong ka...

Sam ka KSU-Jowai da ki kot sha ki khynnah skul na ki longiing baduk

Shillong, Rymphang 19: Ka KSU Jowai Unit hynne ka...