Shillong, Kyllalyngkot 23: Ka HYC kala pyrshah jur ia ka jingkynthoh jong ka seng Hindu – Kutumba Surakshya Parishad (KSP) ba ka don ka jingshah niam bad ka jingpyrshah jong ki kynhun Khristan’ kaba la pynmih ia ka jingïakynad ha Mawkynrew dang shen, halor ka jingshna ïa ka ïing skul Ram Krishna Mission.
“Kine ki jait jingkren kim don eiei hynrei kadei tang ka jingpyrshang jong kane ka kynhun ban bet ia u symbai jong ka jingsngew iapher niam ha ka jylla jong ngi bad pynman bakla ia ki jingjia baroh kawei, khlem da pynshisha shuwa ia kaei kaba jia baroh bad kumta dei ban pynrem jur da baroh” ong u President ka HYC u Bah Roy Kupar Synrem ha kakyrwoh khubor.
“Ka KSP ka dei ban kiarha kaban ai ia kum kine ki jingkynthoh ki bym don satia ia ka jingkitkhlieh namar ba ka lah ban lam sha ka jingma ia ka jingshongsuk shongsain jong ki riewngeit na ki niam bapher bapher bad ki jaidbynriew hapoh ka jylla” ula ong.
“Ha ka jingshisha ka KSP kam dei ban peit ba kaei kaei kaba jia baroh ha ka jylla Meghalaya ba ka dei kaba long pyrshah ia ki Hindu bad kala shu pynkut ba ba ka don ka jingiasuh buit jong ki katto katne ki seng na ki kynhun niam ban leh pyrshah ia kawei pat ka niam” ong u Nongialam ka HYC.
“Ngi wer ia ki ba ki dei ban pynshisha shwa ia kaei kaba jia bad hadien kata ba kin ai iaka jingkren ym ban pynmih shwa ia ki jingkren kiba ai ding bad ban sa kylla ktien noh hadien. Ngi kyntu ruh ia ki baroh ba ki dei ban sangeh noh ban tuklar palat ia ki kam hapoh ka jylla ka jong ngi” la pynkut ka HYC.
 ba ka don ka jingshah niam bad ka jingpyrshah jong ki kynhun Khristan’ kaba la pynmih ia ka jingïakynad ha Mawkynrew dang shen, halor ka jingshna ïa ka ïing skul Ram Krishna Mission.){kind=link}