Shillong, K’lyngot 16 : Ka All Jaintia Muster Roll Workers & Labour Union (AJMRWLU) hynne ka sngi Palei kala byrngem ban pynlong da ka jingiakhih kaba jur lada ka sorkar jylla kam lah ban pynbeit thymmai ia ka bai bylla ha ka jylla Meghalaya, haba pynpaw ba kam long shuh kaba iahap bad ka jinglong jingman kaba mynta na ka jingkiew dor lut ki marbam mardih.
Ha ka shithi kaba la phah sha u Myntri Rangbah ka jylla u Conrad K Sangma, ka President ka AJMRWLU ka Kong Dayowanphi Iakai kala ong, “Ngi phah ia ka jingthoh halor ka jingbym sngewhun ia ka jingshim rai kaba dang shen jong ka kynhun myntri ha kaba iadei bad ka jingsiew ia ka bai bylla ha ka jylla Meghalaya”.
“Ka Union ka dawa ba dei ban pynbeit thymmai ia katei ka dor bai bylla bad dei ban pynmih ia ka jingpynbna paidbah hapoh 10 sngi. Dei ban pynshong nongrim ia ka jingpynbeit thymmai da kaba shim ia ka jingkiew dor jong ki marbam mardih bad ka jingai kaba T.300 kaba la pynbeit ha ka 1 tarik u Risaw 2018 ryngkat bad ka Dearness Allowance kaba hapdeng jong u snem 2019-2024 na ka bynta baroh ki kyrdan trei bad ban kyntiew ia ka dor bai bylla ban ioh ia ka jingsiew kaba kyllum lang” ka la ong.
“Ka jingbym lah ha kaban shimkhia ia kane ka kam ha ka por kaba la buh kan pynlong ia ngi ban pynlong syndon da ki jingiakhih kiba tyngeh ha ka jylla Meghalaya ban pynbor ia ki jingdawa ki jong ngi. Ngi kyrpad ba phin tuklar mardor halor kane ka kam ban pynthikna ba kan don ka hok bad ka jingsiew kaba iahap ia baroh ki nongtrei” la ong ka President.
Ha ka shithi ka Union ka la kdew ruh ba ka dor jong ka jingsiew kam long satia kaba ryntih bad ka bym iahap bad ka jingkiewdor ki marbam bad ki mar ki mata bad kam long ruh katkum ka dor kaba dei hok ban ai.
Kala ong, ba ka jingpynkiew ha ka 1 tarik u Risaw 2018 kadei na ka bynta ki nongbylla ha ka kyrdan Unskilled na ka T.196 sha ka T. 300 (jingpynkiew da T.104), Semi-Skilled na ka T. 208 sha ka T.340 (jingkiew kaba T.132), Skilled na ka T.220 sha ka T.380 (Jingkiew kaba T.160) bad Highly Skilled na ka T.244 sha ka T.420 (Jingkiew kaba T. 176).
Hynrei ka jingpynkiew ia ka dor bai bylla kaba la mynjur da ka kynhun myntri ha ka 10 tarik u Kyllalyngkot na ka bynta ki Unskilled ka long T.419 sha ka T.525 (jingkiew kaba T.106), Semi-Skilled na ka T.474 sha ka T. 565 (Jingkiew kaba T.91), Skilled na ka T.530 sha ka T.605 (jingkiew kaba T. 75) bad Highly Skilled na ka T.586 sha ka T.645 (jingkiew kaba T.59).
“Ka jingshisha ka long ba ka jingpynkiew kala long kaba duna na ka Unskilled sha ka kyrdan Highly Skilled, kaba long kaei kaei kaba bym lah ban pdiang ne kaba iahap” la pynpaw ka Union.
“Katkum ka Histori, ka jingpynkiew ka long kaba salonsar ha baroh ki kyrdan ban pynthikna ba kan ym don ka jingleh shiliang bad kaba iahap bad ka rukom treikam ha ka jingdon sap bad katkum ka Minimum Wages Act, 1948 bad kumjuh ban pynlong iaka 1 tarik u Risaw kum ka tarik kaba la pyntreikam ia ka jingbuh dor ia ka bai bylla kaba dei ban pynkylla hapoh 5 snem naduh ka tarik kaba khatduh jong ka jingpynkylla” la pynpaw shuh shuh.
 hynne ka sngi Palei kala byrngem ban pynlong da ka jingiakhih kaba jur lada ka sorkar jylla kam lah ban pynbeit thymmai ia ka bai bylla ha ka jylla Meghalaya, haba pynpaw ba kam long shuh kaba iahap bad ka jinglong jingman kaba mynta na ka jingkiew dor lut ki marbam mardih.){kind=link}