Shillong, Kyllalyngkot 16: Ka Central Seat Allocation Board (CSAB)-2025 kala kyntu ia ki samla pule na ka thain Shatei Lam Mihngi ba kin rejistar ialade na ka bynta ka eksam Joint Entrance Examination (JEE) Main 2025.
Ka Registration na ka bynta ka Session 2 (Iaiong 2025) kan sdang naduh ka 31 tarik u Kyllalyngkot 2025 bad kan khang ha ka 24 tarik u Rymphang 2025. Ki samla pule ki lah ban leit ha ka https://jeemain.nta.nic.in/information-bulletin/ ban ioh ia ki jingtip kiba kham bniah.
U Chairperson ka CSAB Prof. K. Umamaheshwar Rao ula ong, “Ka thain Shatei Lam Mihngi ka dei ka jaka sah jong ki samla kiba stad kiba don bha ia ka lad bad kabu. Nga pynshlur tyngeh ia ki samla kiba stad na ka thain Shatei Lam Mihngi ban shim ia kane ka kabu bad ban rejistar ha ka eksamin JEE Main 2025. Ban pyndep ia kane ka eksamin kaba kyrpang ka dei kaban wanrah ia ka jingkylla haka jingim, kan pynkup bor na ka bynta ka lawei ha ka liang ka science bad technology”.
Da kaba iathuh ia ki jingeh kiba mad da ki samla pule ka thain shatei lam mihngi bad na ki Union Territory, ka CSAB kala ai ka lad lyngba ka jingiasyllok kum ka CSAB-NEUT (North Eastern States and Some of Union Territories) ban bhah ia ki seat ia kiba bun ki jaka pule/ skulbah kiba la ioh jingmynjur na ka AICTE ha kylleng ka ri India hapoh jong ka scheme jongka ‘Reservation of Seats ha ka Degree Level Technical Courses ia ki jylla bad Union Territory kiba dang duna ia ki jingdonkam ki samla pule kiba na ki jaka pule kiba la ioh ia ka jingmynjur na ka AICTE jong ka thain shatei lam mihngi bad ki Union Territory.
Ka CSAB Special Round ka dei na ka bynta ki samla pule ki bym lah ban ioh ia ka seat lyngba ka JoSAA/ CSAB Counselling Rounds, ka CSAB Special Round ka ai ia ka lad ia ki samla pule ban ioh ia ka lad ban ioh ia ki jaka pule ha ka NIT+.
Ha u 2025, kumba 2,000 tylli ki seats la khmih lynti ba kin long kiba lait hapoh jong ka State Quota ha ka NIT, IIIT bad GFTI hapoh jong ka thain shatei lam mihngi ryngkat bad kumba 740 tylli ki seat ha kylleng jong ka ri India hapoh jong ka kyrdan NEUT.
-2025 kala kyntu ia ki samla pule na ka thain Shatei Lam Mihngi ba kin rejistar ialade na ka bynta ka eksam Joint Entrance Examination (JEE) Main 2025.){kind=link}