Tura, K’lyngkot 14: Ka Rymbai Shkenshynriah SC kala pynrem ia ka Chipakkore FC ha ka jingiakhun ia ka Quarterfinal jong ka Meghalaya State League (MSL) hynne ka sngi ha P.A. Sangma Stadium, Tura.
Hadien ka jingiakhaid da ka jingbym ia thep kol ha ka kylla step, kane ka jingiakhun kala sdang ban itynnad ha ka kylla miet ha kaba u Hesmiki Rymbai ula thep ia ka kol ha ka 68 minit na ka bynta ka Rymbai Shkenshynriah SC katba u Iaishah Bareh ula thep ia ka kol ka baar ha ka 79 minit. Kine ki ar kol kila pynthikna syndon ia ka Rymbai Shkenshynriah SC ban ioh rung sha ka semi-final jong katei ka lympung iakob ialehkai football.
Ha kane ka jingiakhun 4 ngut ki nongialehkai kila ioh ia ka Yellow Card kiba kynthup ia u Sumarbha Bareh bad u Shepherd Lyngdoh jongka Rymbai Shkenshynriah SC, katba u Chigrikbidasal S. Sangma bad u Pobitro Rabha kila ioh ia ka Yellow Card na ka Chipakkore FC.
U Hesmiki Rymbai ula ioh ia ka khusnam Player of the Match halor ka jinglialehkai bha ka jongu.
 hynne ka sngi ha P.A. Sangma Stadium, Tura.){kind=link}