Shillong, K’lyngkot 12 : U Kyrtong ka Congress na Nartiang Constituency Bah Katbanbiang Lamare ha ka sngi Saitjain ula rai ban ujor da ka ejahar pyrshah ia u bahaiing jong u kyrtong ka Voice of the People party (VPP) namar ka jingbyrngem ia u lyngba ka phone.
Haba kren bad ki nongthoh khubor, u Bah Lamare ula kynnoh b aula ioh pdiang ia ka phone call na u Donbok Mariaw, uba dei u kni jong u kyrtong ka VPP Yowanmi Mariaw tang hadien ba ka Congress kala pynbna ia ka kyrteng jong u kum u kyrtong na Nartiang Constituency.
“U (Donbok) la byrngem ia nga ban leh tyngeh namar nga la rai ban iakhun ia ka elekshon MDC” ula ong haba pynsngap ia ka jingiakren ba la record ha ka phone.
“Kumta, nga la rai ban ujor da ka ejahar pyrshah ia une u briew lashai ka sngi. Ngam tieng satia. Ngan jam shakhmat ha ka ban iakhun ia ka elekshon namar nga kwah ban shakri ia ki paidbah ka constituency jong nga” ong u Bah Lamare.
Nalor kane, u Bah Lamare ula ong ba kane ka jingkren phone ka pyni ruh ba ka VPP kala pyndonkam ia ka pisa bad ka dohksah ban jop ia ka elekshon.
Ula pyntip ba un sa aiti ruh ia kane ka ejehar sha ka Tnad Election bad sha ki bor district pyrshah ia une u kni jong u kyrtong ka VPP.
 namar ka jingbyrngem ia u lyngba ka phone.){kind=link}