Shillong, Nohprah 21 : U Symbud Myntri Rangbah ba khmih ia ka Tnad Urban Affairs Bah Sniawbhalang Dhar ula ther tyngeh ia ka seng Hindu-Kutumba Surakshya Parishad (KSP) halor ka jingdawa ban plie ia ka krem Mawjymbuin khlem da tip ia ka riti bat khyndew hapoh ka Jylla.
Haba iakren bad ki nongthoh khubor, u Bah Sniawbha ula ong kane ka seng ki Hindu kam lah ban shu buhpor ia ka Sorkar Jylla.
“Ki dei kiei” ula buh jingkylli.
“Ki (KSP) dei ban tip shuwa ia ka riti bat khyndew ha ka Jylla. Ki jaka hangne ki dei ki jaka shimet. Ka krem Mawjymbuin ruh ka dei ka nongkynti shimet bad kaei kaba ki rai (trai jaka), ka shong ha ki” ong u Bah Sniawbha.
Ka Kutumba Surakshya Parishad (KSP) kala aipor 10 sngi ia ka Sorkar Meghalaya ban plie noh ia ka krem Mawjymbuin ban ioh lehniam ki paid Hindu. Kane ka kynhun kala byrngem ban pakhang ia ki surok ba kongsan ban wan sha Meghalaya kynthup ia ka Jorabat bad Paikan lada ka jingdawa jong ki kam longkam hashuwa ka Khristmas.
 halor ka jingdawa ban plie ia ka krem Mawjymbuin khlem da tip ia ka riti bat khyndew hapoh ka Jylla.){kind=link}