Shillong, Nohprah 14 : Ka PA Sangma International Medical College and Hospital (PIMC) kala kynjoh ia uwei pat u maw mer da kaba jingioh rung kyrteng lang hapoh ka Ayushman Bharat Pradhan Mantri Jan Arogya Yojana (AB-PMJAY).
Ki jingshakri baroh jong kane ka Hospital hapoh kane ka skhim, kila sdang treikam naduh ka 13 tarik Nohprah 2024. Ka shithi na ka National Health Authority, ka Sorkar India, kala pynthikna ba “Hadien ka jingbishar ia baroh ki jingdonkam ban pynrung kyrteng ia ki hospital (empanelment)”, la shem ba ka PIMC kala ibit ban ioh rung hapoh ka AV PM-JAY.
Kum shibynta na ki jingdonkam ban pyntreikam ia ka skhim, ka kynhun na ka State Health Agency, Meghalaya kala pynlong ia ka training prokram kaba bniah bha ha PIMC, University of Science & Technology Meghalaya (USTM). Kane ka prokram ka pynleit jingmut halor ka jingpyndonkam ia ka Beneficiary Identification System (BIS), Transaction Management System (TMS), Medical Documentation, Claims and Adjudication, bad ka Grievance Management hapoh ka AB PM-JAY.
Ki Dokor, ki Nos bad ki Technical Staff na ka PIMC kila iashimbynta shitrhem ha kane ka prokram ai jinghikai ban pynthikna ia ka jingbym thut ha ka jingpyntreikam ia kane ka skhim sha ki nongioh jingmyntoi.
Hadien kane ka prokramm, ka PA Sangma International Medical College and Hospital hapoh ka State Nodal Agency-Meghalaya, kala iasoi ia ka soskular Memorandum of Understanding (MoU) bad ka Reliance General Insurance Company Ltd. Kane ka jingiatreilang ka dei kaba kongsan ban lah pyntreikam bha ia ka AB PM-JAY bad ia ka Meghalaya Health Insurance Scheme (MHIS) hapoh ka Jylla.
Ia kane ka prokam ai jinghikai la pyniada da ka kynhun ki Ophisar badpher bapher ba kynthup ia : Skhemjingmut Law, IT Manager, MHIS & PMJAY; Natus Ladia, Monitoring and Control Officer, MHIS; Daniel G. Marbaniang, District Program Manager, MHIS & PMJAY; Jopskhen Lyngwa, HR Manager, MHIS; Brandon Bazeley Rymbai, IEC & Enrollment Manager; Anupam Chandra Marak, Claims Manager; Dr. Hawapaka Suting, Medical Officer, MHIS; bad Sarat Mallicee, State Project Manager, Reliance General Insurance Company Ltd.
 kala kynjoh ia uwei pat u maw mer da kaba jingioh rung kyrteng lang hapoh ka Ayushman Bharat Pradhan Mantri Jan Arogya Yojana (AB-PMJAY).){kind=link}