Eleskhon MDC | Yn trot maw trot dieng ki Party ba thaw EC ha ki ADC khlem ka jingkyrkhu ka NPP

Shillong, Nohprah 05 : Ka Nongialam ka NPP bad Myntri Sorkar Kong Ampareen Lyngdoh ha ka sngi Palei kala ong ba kan long kaba eh shibun ia kino kino ki seng sain pyrthei, ki ban sa thaw ia ki Executive Committee ba thymmai ha ki Autononmous District Council (ADC) ba kin lah trei ia kano kano ka kam lada kim ioh ia ka jingkyrkhu jong ka National People’s Party (NPP) kaba ialam ia ka Sorkar hapoh ka Jylla.

Haba iakren bad ki lad pathai khubor, ka kong Ampareen kala ong “Ngan dang ban sngewthuh kaei ka dei ka mat jong kane ka elekshon MDC. Hynrei kawei ka kam….phu lah ioh ia kano kano ka seng sain pyrthei ban thaw ia ka EC ha kano kano ka ADC, lada phim ioh ia ka jingkyrkhu jongka NPP, kan long kaba eh ia phi ban jop ha kano kano ka kam. Kane ka dei kaba iaid ka sain pyrthei”.

Haba pynpaw ba ka NPP kala pynkhreh ban iakhun ia ka elekshon ADC, ka Myntri kala ong “Kumba long kiwei ki elekshon, balei ba ngi ruh ngin ym pynleit jingmut ia ka elekshon MDC, hooid, kum ka party kala pynleit jingmut. Kin don beit ki jingtynjuh. Kaei ka elekshon ba khlem ki jingtynjuh? Kumno ka result kan long, ngim dei ki pandit ban batai lypa ia kaei kaban sa jia”.

Kala ban jur halor ka jingdonkam ia ki nongkitkam ka party ba kin trei shitom bad ai ia ka report card kaba biang hashuwa jong ka elekshon.