Jowai, Nohprah 02 : U Deputy Commissioner ka East Jaintia Hills, ula thung da ka jingtohkit Magistrate halor ka jingiap bap her bha jong uwei u koidi ha Jowai District Jail.
Une u koidi ba kyrteng u Tenkiny Siangshai ba na Wapung Skur, East Jaintia Hills, ula iap ha ka 28 tarik Naiwieng bad la pynbna iap ia u ha Jowai Civil Hospital hadien ba wanrah na Jowai Jail.
U Deputy Commissioner ula thung ia u F Wan, Executive Magistrate ban pynlong ia ka jingtohkit bad ban aiti ia ka kaiphod kaba bniah. Kane ka jingtohkit kala wan jia hadien ba ki bahaiing u Tenkiny, kila dawa ban tohkit ban lap ia ki daw jong ka jingiap bad ka jaka ba u iap.
