Shillong Naiwieng 23: Ka North East Indira Gandhi Regional Institute of Health and Medical Sciences (NEIGRIHMS) kala pynlong ia ka jingrakhe ia ka National Newborn Care Week 2024 kaba la sdang ha ka 15-21 tarik u Naiwieng, 2024.
Ka Department of Pediatrics kala pynlong ia ka Poster Presentation bad ka Health Talk ne ka jingiakren halor ka koit ka khiah ha ka 21 tarik u Naiwieng ha kaba ki samla pule MBBS jong u snem 2020 bad 2021 kila wan ban iashimbynta ha ka jingialang halor ka phang, “Safety, Quality, and Nurturing Care – Birth Right of Every Newborn”.
Ka jingthmu jong katei ka jingrakhe ka long ban pynsngewthuh bad pynkup bor ia ki nongsumar da ki jingtip kiba kongsan shaphang ka koit ka khiah jong ki khunlung kiba dang shu kha.
Ia ki prokram la pynlong ha ka Postnatal Ward, Pediatrics OPD, Obstetrics bad Gynecology OPD, ha kaba ki samla pule kila pyni ia ki poster halor ka phang Kangaroo Mother Care, ban iada ia ki khunlung na ka Hypothermia, ka rukom ai bam ia ki khunlung kiba duna ha ka jingkhia bad ka jingkhmih bniah ia ki khunlung. Nalor kane la pynlong iakaj ingkren halor ka koit ka khiah da ka jingthmu ban ai iaki jingtip ia ki kmie bad ia ki nongsumar shaphang ka jingling jingman jong ka koit ka khiah ki khunlung kiba dang shu kha.
 kala pynlong ia ka jingrakhe ia ka National Newborn Care Week 2024 kaba la sdang ha ka 15-21 tarik u Naiwieng, 2024.){kind=link}